अष्ट्रेलियामा १६ वर्षमुनिका बालबालिकालाई सामाजिक सञ्जाल प्रयोगमा गरिएको प्रतिबन्ध आजदेखि लागू
प्रतिबन्ध उल्लङ्घन गरेमा ४ करोड ९५ लाख बराबरको जरिवाना तिर्नु पर्ने
स्टार संवाददाता 
काठमाडाैं । अष्ट्रेलियामा १६ वर्षमुनिका बालबालिकालाई सामाजिक सञ्जाल प्रयोगमा गरिएको प्रतिबन्ध बुधबारदेखि लागू भएको छ ।
नयाँ ऐनअनुसार इन्स्टाग्राम, फेसबुक, थ्रेड्स, एक्स, स्न्यापच्याट, किक, टिकटक, रेडिट र युट्युबलगायतका प्लेटफर्महरूले नाबालक प्रयोगकर्तालाई रोक्नुपर्नेछ । यो प्रतिबन्ध उल्लङ्घन गरेमा अभिभावक वा बालबालिकामाथि सजाय नहुने भए पनि सामाजिक सञ्जाल कम्पनीहरूले भने अधिकतम ४ करोड ९५ लाख अष्ट्रेलियन डलर बराबरको जरिवाना तिर्नु पर्ने कानुनी व्यवस्था गरिएको बीबीसीले जनाएको छ ।
यो कदमले बालबालिकालाई हानिकारक सामग्रीबाट जोगाउने अस्ट्रेलियन सरकारको लक्ष्य छ । तर आलोचकहरूले भने यसले जोखिममा रहेका किशोर–किशोरीलाई झन् एक्ल्याउन सक्ने तथा उनीहरूलाई नियमनविहीन अनलाइन परिवेशमा धकेल्न सक्ने खतरा रहेको चेतावनी दिएका छन् । यो निर्णयलाई अन्य देशहरुले पनि चासोका साथ हेरिरहेका छन् । तर सरकारले यसको सफलतामापन कसरी गर्ने भन्ने विषय भने अझै स्पष्ट छैन ।
सम्बन्धित समाचार
.gif)
