दाङमा बस दुर्घटना हुँदा २२ जना घाइते
काठमाडौं । दाङको लमहीमा बस दुर्घटना हुँदा २२ जना घाइते भएका छन् ।
पूर्व-पश्चिम राजमार्गअन्तर्गत लमही नगरपालिका-१ कौडियामा डडेल्धुराबाट काठमाडौं आउँदै गरेको ना ८ ख ७४५५ नम्बरको बस बिहान करिब ३ बजे पुलबाट खोलामा खसेको हो ।
लमही अस्पतालमा घाइतेहरूको उपचार भइरहेको छ । बसमा ३८ जना सवार थिए । पट्टा भाँचिएर बस दुर्घटना भएको प्रारम्भिक बयान बस चालकले दिएका छन् । दुर्घटनाको कारणबारे अनुसन्धान भइरहेको प्रहरीले बताएको छ ।

.gif)