रौतहटको चन्द्रपुरमा रहेको एक टायल तथा ब्लक उद्योगमा आगलागी

काठमाडौं । रौतहटको चन्द्रपुरमा रहेको एक टायल तथा ब्लक उद्योगमा आगलागी भएको छ । चन्द्रपुर नगरपालिका–४ मा रहेको घिमिरे टायल तथा ब्लक उद्योगमा शुक्रबार बिहान आगलागी भएको हो ।

उद्योगभित्र अचानक आगो र धुवाँको मुस्लो स्थानीयवासीले देखेपछि आगलागी भएको थाहा भएको प्रहरीले जानकारी दिएको छ । स्थानीयवासीका अनुसार बिहानै उद्योगभित्र अचानक आगो लागेको भए पनि के कारणले लागेको थाहा नभएको बताएका छन् ।

आगलागी फैलिन नदिनका लागि स्थानीय बासिन्दा र उद्योगका कामदारहरू मिलेर आगो नियन्त्रणमा लिने प्रयास गरिरहेका छन् । अहिले घटनास्थलमा चन्द्रपुर नगरपालिकाको दमकल सहितको टोली घटनास्थलमा पुगेको छ । आगलागीको कारण अहिले सम्म खुल्न नसकेको र यसबाट भएको क्षतिको यकिन विवरण आउन बाँकी रहेको इलाका प्रहरी कार्यालय चन्द्रनिगाहपुरले जनाएको छ ।