चर्चित गायिका इन्दिराको निधन
१८ भदौ २०८२, बुधवार 
स्टार संवाददाता
स्टार संवाददाता 
काठमाडौं । चर्चित लोकदोहोरी तथा सेलो गायिका इन्दिरा गोले गुरुङको निधन भएको छ ।
उनको गएराति १२ बजे ललितपुरको हत्तिवनस्थित आपार्टमेन्टमा निधन भएको हो । उनी क्यान्सर रोगबाट पीडित थिइन्। क्यान्सरको उपचारकै क्रममा उनको ५९ वर्षको उमेरमा निधन भएको बताइएको छ ।
उनले ५ हजार भन्दा बढी गीतमा स्वर दिएकी छन् । उनले नेपाली लोक दोहोरी, तामाङ सेलो तथा भाषाका साथै देउडालगायत भाषा र भाकाका गीतहरु गाएकी छन् ।उनको आजै बौद्ध परम्परा अनुसार अन्त्यष्टी गर्ने तयारी भएको छ । श्रृद्धान्जलीका लागि राष्ट्रिय नाचघरमा राख्ने तयारी गरिएको छ । उनको दुई छोरी छन् ।
सम्बन्धित समाचार
.gif)
