आज तिजः बिहानैदेखि पशुपतिमा दर्शनार्थीहरुको भीड
काठमाडौं । आज तिजको सबैभन्दा मुख्य दिन । महिलाहरुले ब्रत बसेर शिवालयहरुमा पुगी पूजा आरधना गर्ने गर्दछन् । आज विशेष गरी पशुपति मन्दिरमा दर्शनार्थीहरुको भीड लाग्ने गर्दछ ।
पशुपतिनाथमा बिहान सबेरैदेखि घुइँचो लागेको छ । विशेषगरी महिलाहरू सौभाग्यसूचक रातो पहिरनमा आराध्यदेव पशुपतिनाथको दर्शन गर्न पुगेका छन् ।
सत्ययुगमा कठोर व्रतको प्रभावले देवी पार्वतीले महादेव पति पाएको पौराणिक सन्दर्भलाई आधार मानेर परिवारमा सुख शान्ति र समृद्धिको कामना गर्दै यो व्रत गर्ने परम्परा छ ।

.gif)