झापाको एक फर्निचर उद्योगमा आगलागी
१६ असार २०८२, सोमवार 
स्टार संवाददाता
स्टार संवाददाता 
काठमाडौं । झापाको अर्जुनधारा नगरपालिका–११ बसपार्कस्थित एक फर्निचर उद्योगमा आगलागी भएको छ ।
स्थानीय मोतीबहादुर खड्काको एक तले टिनको घरमा सञ्चालित खड्का फर्निचर उद्योगमा विद्युत् चुहावट भई आइतबार राति आगलागी हुँदा करिब १२ लाख रुपैयाँ बराबरको क्षति भएको जनाइएको छ ।
बिर्तामोड नगरपालिकाको दमकल, स्थानीयवासी र प्रहरीको सक्रियतामा आगो नियन्त्रणमा लिइएको थियो ।
आगलागीबाट उद्योगमा रहेको काठ चिर्ने मेसिन र काठपात पूर्णरूपमा जलेर नष्ट भएको छ । घटनाको सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।
सम्बन्धित समाचार
.gif)
