तीनकुनेको घटनामा संलग्न आरोपमा एनी कुँवर पक्राउ
२५ चैत २०८१, सोमवार 
स्टार संवाददाता
स्टार संवाददाता 
काठमाडौं । काठमाडौंको तीनकुनेमा चैत १५ मा भएको प्रदर्शनमा संलग्न आरोपमा एनी कुँवर पक्राउ परेकी छन् ।
कुँवरले पत्रकार सुरेश रजक जलेको घरमा ताला लगाएर फर्केको जस्तो देखिने भिडियो सामाजिक सञ्जालमा भाइरल छ । कुँवर अभिनेत्री समेत हुन् ।
घरमा आगजनी भएपछि उनले फेसबुक लाइभ गरेर ‘बचाउन आउनुहोला’ भनेर आग्रह गरेकी थिइन् । प्रदर्शन स्थलमा गएर अवाञ्छित गतिविधि गरेको आरोपमा उनलाई पक्राउ गरिएको जनाइएको छ ।
अनुसन्धानको लागि उनलाई प्रहरीले ललितपुरबाट पक्राउ गरेको हो । कुँवरले एक दशकअघि फिल्म ब्रह्माबाट रजतपट यात्रा सुरु गरेकी थिइन् ।
सम्बन्धित समाचार
.gif)
