बसले थिच्दा सशस्त्र प्रहरी निरीक्षकको मृत्यु

काठमाडौं । सर्लाहीमा बस अनियन्त्रित भई पल्टिँदा सशस्त्र प्रहरीका निरीक्षक ९इन्स्पेक्टर० को मृत्यु भएको छ ।

गएराति पौने ९ बजेतिर बलरा नगरपालिका(९ स्थित बीओपी छतौनाको गेट अगाडि बस पल्टिँदा ड्युटीमा रहेका सशस्त्र प्रहरी निरीक्षक विजयकुमार तुलाधरको मृत्यु भएको हो । 

छतौनाबाट काठमाडौंआउँदै गरेको बागमती प्रदेश ०१(००६ ख २००४ नम्बरको राजदेवी यातायातको बस अनियन्त्रित भई पल्टिएर तुलाधरलाई थिचेको हो । बसले थिच्दा गम्भीर घाइते भएका तुलाधरलाई उपचारका लागि प्रादेशिक अस्पताल मलंगवा लगिएको थियो ।

चिकित्सकले उनलाई राति १० बजे मृत घोषणा गरेको प्रहरीले बताएको छ । बसमा सवार यात्रुको अवस्था भने सामान्य रहेको छ ।