संस्कृति प्रत्येक समाजको प्राण तत्व होः संस्कृतिमन्त्री पाण्डे

काठमाडौं ।संस्कृति, पर्यटन तथा नागरिक उड्डयनमत्री बद्रिप्रसाद पाण्डेले संस्कृति प्रत्येक समाजको प्राण तत्व भएको बताउनुभएको छ । 
शनिवार भक्तपुरमा नेपाल संवत ११४५ को अवसरमा आयोजित कार्यक्रमलाई सम्बोधन गर्दै उहाँले यस्तो बताउनुभएको हो । प्राण तत्व मजबुत भएपछि मात्रै बाहिरि स्वरुप मजबुत हुने उल्लेख गर्नुभयो । उहाँले नेपालीहरुको विविधतापूर्ण संस्कृति र प्रकृति नेपालको समृद्धि, पुँजी भएको बताउनु भयो । उहाँले नेपालमा १३१ वटा भाषाले बोकेको दर्शन, साहित्य, ज्ञान र यसलाई एकीकृत ढंगले जोगाउन जरुरी रहेको बताउनु भयो ।

उहाँले सबै भाषा, संस्कृतिलाई प्रवद्र्धन र संरक्षण गर्न सरकार तत्पर रहेको बताउनु भयो । उहाँले भन्नुभयो, ‘नेपालीहरुको संस्कृति, विविधतापूर्ण संस्कृति र प्रकृति हाम्रो समृद्धि, पुँजी र सम्पती हो । यसलाई अघि बढाउने सन्दर्भमा हाम्रा प्रत्येक भाषा, अहिले १३१ वटा भाषा पुगेका छन् । नेपालमा १३१ वटा भाषाले बोकेको दर्शन, साहित्य, ज्ञान र यसलाई एकीकृत ढंगले कसरी जोगाउन सक्छौँ ।

प्रवद्र्धन र संरक्षण गर्ने दिशामा अघि बढ्छौँ । संस्कृति भनेको प्रत्येक समाजको प्राण हो । संस्कृति भनेको सफ्टवेयर हो । प्राण तत्व मजबुत भएपछि मात्रै बाहिरि स्वरुप मजबुत हुन्छ ।’मन्त्री पाण्डेले आगामी दिनमा राष्ट्रिय विभूति शंखधर शाख्वाले बोक्नुभएको दर्शनलाई अघि बढाउन एकजुट भएर लाग्नुपर्ने बताउनु भयो ।