राष्ट्रिय सभाका नवनिर्वाचित सांसदले लिए शपथ

काठमाडौं । राष्ट्रिय सभा निर्वाचनबाट निर्वाचित सांसदले शपथ लिएका छन् ।

सिंहदरबारस्थित कानून न्याय तथा मानव अधिकार समितिको हलमा सांसदले पद तथा गोपनीयताको शपथ लिएका हुन् । राष्ट्रिय सभाका अध्यक्ष नारायणप्रसाद दाहालले नवनिर्वाचित सदस्यहरूलाई शपथ गराएका छन् ।

माघ ११ गते भएको निर्वाचनमा १८ जना नयाँ सांसद चुनिएका थिए। ५९ सदस्यीय राष्ट्रिय सभामा एक तिहाइ सदस्यका लागि प्रत्येक दुई–दुई वर्षमा निर्वाचनको प्रावधान छ।