श्रीलंकालाई पराजित गर्दै नेपाल सेमिफाइनलमा

काठमाडौं । श्रीलंकालाई पराजित गर्दै नेपाल एक खेलअगाबै साफ यु-१९ च्याम्पियनशिपको सेमिफाइनलमा प्रवेश गरेको छ ।

भारतको गोल्डेन जुब्ली रंगशालामा गएराति भएको खेलमा नेपालसगँ  श्रीलंका ५-० गोलले पराजित भएको हो ।  श्रीलंका भने प्रतियोगिताबाट बाहिरिएको छ ।

पहिलो हाफमा १-० ले मात्र अघि रहेको नेपालले दोस्रो हाफमा थप ४ गोल गरेपछि सहज जित हात पारेको थियो । नेपालका लागि सुजन डंगोल, धर्वेन्द्र कुँवर, सुवास बम, विज्ञान खड्का र लछु थापाले गोल गरे ।

समूह ‘बी’बाट नेपालसँगै भारत पनि सेमिफाइनल पुगेको छ। अब मंगलबार नेपालले समूह विजेताका लागि भारतको सामना गर्नेछ ।