मकवानपुरको भीमफेदीमा ग्यास बुलेट दुर्घटना
२८ माघ २०८१, सोमवार 
स्टार संवाददाता
स्टार संवाददाता 
काठमाडौं । भीमफेदी गाउँपालिका वडा नम्बर १ रातोमाटेस्थित त्रिभुवन राजपथ सडक खण्डमा ग्यास बुलेट दुर्घटना भएको छ । दुर्घटनापछि उक्त सडक खण्ड एकतर्फी मात्रै सञ्चालन भएको प्रहरीले जनाएको छ ।
हेटौँडा बजारबाट भैँसेतर्फ जाँदै गरेको एनएल ०१ के ११९७ नम्बरको १२ चक्के ईन्डियन ग्यास लोड बुलेट गाडी दुर्घटना आइतबार राति करिब ९ बजेतिर दुर्घटना भएको हो ।
ग्यास बुलेट पल्टिएको रोडको भित्ताको साइडबाट ट्रयाक खोलेर हाललाई अस्थायी रूपमा साना सवारी साधनलाई एकतर्फी बाटो खोलिएको छ ।
ग्यास बुलेट दुर्घटनामा मानवीय क्षति भने भएको छैन् ।
सम्बन्धित समाचार
.gif)
