एन्फा महिला लिगमा सुदूरपश्चिमको लज्जास्पद हार, आर्मीले गर्यो १४ गोल
२५ भदौ २०८१, मङ्गलवार 
स्टार संवाददाता
स्टार संवाददाता 
काठमाडौं । विभागीय टोली त्रिभुवन आर्मी क्लबले एन्फा महिला लिगमा शानदार जित निकालेको छ ।
सातदोबाटोस्थित एन्फा कम्प्लेक्समा मंगलबार भएको खेलमा आर्मीले सुदूरपश्चिम प्रदेशविरुद्ध शानदार जित निकालेको हो । आर्मीले सुदूरपश्चिम विरुद्ध १४-१ को फराकिलो जित निकालेको हो ।
जारी प्रतियोगितामा एकै खेलमा भएको यो सर्वाधिक गोल हो । यसअघि अर्को विभागीय टोली नेपाल पुलिस क्लबले सुदूरपश्चिम माथि नै ९ गोल गरेको थियो ।
आर्मीका लागि दिपा शाहीले पाँच गोल गरिन । यस्तै अनिता लम्जेलले दुई, विमला चौधरी, हिमा चौधरी, चन्दा भण्डारी, सन्जु कुमाल, विमला विक, सावित्री देवी मगरले एक-एक गोल गरिन ।
आर्मीले १ गोल आत्मघाती पायो । यस्तै सुदूरपश्चिमले पनि १ गोल आत्मघाती पाएको हो ।
सम्बन्धित समाचार
.gif)
